Friday, November 26, 2010

حب للإيجار

اسم التصميم
(خريف)

حب للإيجار يترنح بين جنبات قلب على المشاع وأوقات منتهية الصلاحية المرور بها لا يغني ولا يثمن من جوع لكنها بالنسبة له كانت بمثابة الحبات المهدئة حتى رويدا رويدا أدمن تلك الأوقات وأصبح يشتاق لها ليحصل على فترة إيجار أخري

ليست اسماك الزينه هوايتة لكنة كان حريص على رعاية سمكتة جميلة الألوان داخل حوضها الدائري لتصبح هي الشاهد الوحيد على مجون تصرفاتة حتى ثار بركان قلبة في أحدي الليلات وأخذ ينثر اوجاعة يميناً ويساراً لتحرق أوهامه الجميله وهو ينظر لها ما سبب ارتباطة الشديد بها لكي يسدل عليها قصصة في آخر كل مرة

أدرك اجابة سؤاله بعد أنتهاء أحدى فترات إيجارة وهو عائد بخفى حنين كما جرت العادة معة وهو أن العيش معها مثل سمكتة الملونة أن خرجت من حوضها ماتت وأن دخل هو لها مات يجب أن يبقى كل منهم في عالمة يفصلهم هذا الحاجز الشفاف ليرى كل منهم الآخر فقط ويحرموا من أشياء أخرى كثيرة أولها الكف عن الإيجار

14 comments:

فاتيما said...

رقيق التصميم يا سيد المكسرات


معرفش ليه شوفت فيه مراية بتنكسر
او شرارت اعصاب منفلتة


اللى شدنى كمان
الزهرة اللى ف قلب التصميم
ورقتها
وكانها حتة صغننة
بتمثل هدوء ف جو عاصف ومتقلب
زى الخريف


اللى شدنى اكتر وامتر
عنوان البوست
هستنى الكلمات .. بفروغ صبر


مفتقدينك
يا أبو زينة
وبتغيب علينا كتير


والبؤجة قربت
انا بعزمك اهو ..عشان متقولش
محدش قالى ..

سلام
لحد ما ارجع اقرى البوست

SAYED SAAD said...

العزيزة جدا فاتيما
مش عارف اقولك اية فعلا بتقدري تفسري تصميمات كتيرة ليا بتيقي صعبه التفسير عند ناس كتير فعلا بتعرفي تتفرجي وتتحللي صح اشكرك جدا على اهتمام واحساسك بالتصميم.

عنوان البوست فعلا غريب وشايف انه جديد لكن لما تقريه هتلاقي انه فعلا بيوصف حاله حقيقية ممكن يمر بيها ناس كتير اتمنى انى انجح في وصفها.

فعلا انا غيبت كتير بس ان شاء الله الفترة اللي جاية هيكون ليا تواجد بقوة زي الاول واتمنى فعلا افضل عند حسن الظن .

وانا مستنى لأن فعلا نفسي اتعرف على كتير من المدونين ممكن يكون بعضهم بيعلق عندي علشان فعلا نفسي اتعرفم عليهم فكرتيني ببوست كنتى كتباه عن التدويين والعالم الافتراضي اللي عايشين فيه وانه فعلا نتج عنه علاقات جميله بين وجوه كان مش ممكن تتقابل في يوم من الايام .

الله يسلمك وان شالله البوست هنزله قريب جدا

كوني دائما بخير وسلامي ليوسف

سيد سعد

(green eyes) said...

صديقي صاحب اجمل مكسرات
--------------------------

اخشى ان تعتاد تلك الحبات المهدئة ولا تستطيع الامتناع عنها فتصبح داء مذمن لديك ...
جميل ما سطرت من كلمات ولكن ليس الجميل ان تشعر بتلك المشاعر
:)
اعتذر عن التأخير
تقبل مروري

بريد المدونة said...

صاحبة العيون الخضراء الصديقة العزيزة ,,

لا تعتذري أهلا بيكي في اي وقت المكسرات مكسراتك :)
لكى كل الحق ستكون حياه مزعجة لو استمرت هكذا
كوني بخير

فاتيما said...

انا قلبى انقبض
والتدوينة وجعتنى قوى


يمكن لأنها بتمسنى نوعا ما
الحب الصعب اللذى يكاد يكون مستحيل
وتمسك كل طرف بالآخر
رغم المستحيلات اللتى بينهما


معرفش ليه اتخضيت
وخفت
ليكون حبى للإيجار
ولو ان معنديش ادنى مانع
لأن قلبى ملك اللى بحبه
مش بس متآجرله

بس خفت
يكون دا احساسه هوه

التشبيهات رائعة
حوض السمك
اللى حد محبوس جواه ومبيطلعش
وحد محبوس براه ومبيدخلش
وفكرة الحاجز الشفاف دى لوحدها عاوزة لوحة تانية
تخيلها بس دخلنى ف عالم تانى
انتا فنان بالرسم وكمان الكلمات
والأفكار يا سيد المكسرات
بجد

تسلم
وتسلم احاسيسك وافكارك
وتفانينك


انا قادرة دلوقتى
استمتع بالتصميم
وبالكلمات
وبالفكرة
وبالتشبيهات
وبكل حاجة

وخلاص قلبى مبقاش مقبوض
بقى نشوان بحلاوة كل ما فات
وحاسس بجمال الدنيا
وازاى الفن قادر يحلى مرارها


تسلم يا ابو زينة

ربنا ما يحرمنا من مكسراتك

حسن ارابيسك said...

سيد مكسرات
صديق التدوين العزيز المرهف الحس
اللوحة والتدوينة تؤامان لحالة واحدة
حالة رائعة من العشق والهيام ولكنه للأسف العشق الذي يقتل صاحبه أذا اقترب أكثر من المسموح به وتجاوز كل الخطوط المانعة وهو غير مؤهل لعبور تلك الخطوط وما ورائهاأيضا هناك غير مؤهل للعبور إليه
دائماً أحيانا يكون في إجتماع العاشقين في هلاكهم مثلما يحدث أحيانا في بعض الزيجات الفاشلة
دائماً أنت مبدع
تحياتي
حسن ارابيسك

MKSARAT - SAYED SAAD said...

الصديقة العزيزة جدا جدا جدا ام يوسف
انقباضة قلب ووجع يااااااااااااه بداية في التعليق اصابتني بالجمود أعتذر ان كنت سببت اي الم
فعلا يا فاتيما هو الحب الصعب الذي يصل إلى أعلى درجات استحالة التحقيق عندما يكون الحب يخضع للأسر او لطرف يحب والاخر لا يدرك مدي انشغال الاخر به انها حقا معاناه كبيرة اشبة بالدوامة

ليكي فعلا حق أن تفزعي من الوقوع بين فكي الحب للأيجار لأنه فعلا يلتهم كثيرا من العمر ومن الاوقات الجميله التى نكتشف في اخر الامر انها كانت عبارة ايام تصل لسنوات قتلت منا ، اتمنى الحب للإيجار ان لا يكون من نصيبكم وان تتقارب الشواطئ قريبا بأذن الله حتى يرسوا كل منكم على ميناء من احبة كي تنعم عيناه بغفوات الحب

الحمد لله ان التشبيهات عجبتك وكمان التصميم واتمنى اكون دائما يارب عند حسن الظن والله يسلمك يا ام احلى يوسف والحمد لله ان الانقباضات التى صاحبت قلبك احساسك بالفن وتذوقك سيطر عليها واصبحتى تتمتعي بها

الله يسلمك ويخليكي يا رب

ملحوظة : انا مش بعرف اعلق منين على البوستات بتاعتك معلش متضحكيش عليا بس بجد حاولت ومعرفتش


كوني بخير وصحة
سيد سعد

MKSARAT - SAYED SAAD said...

حسن اربسيك اهلا وسهلا بيك نورت صفحات المكسرات
صدقت هو العشق الذي يقتل صاحبة والذي يكتب علية دائة انه سيظل مفقود لا يوجد طريق يجمعة
سعيد ان بوجودك بجد واتمنى ليك الخير والتوفيق والحمد لله اننا نولنا الرضا يا فندم
كون بخير وسعاده
سيد سعد

سمراء said...

الحرية هي قرار بالاختيار والالتزام بهذا القرار

اذا كنت حرا التزم بقرارك وتحمل تبعياته

كل سنة وانت طيب
سمراء

MKSARAT - SAYED SAAD said...

سمراء
وانت طيبة وبالف خير
عندك حق لكن اوقات عشق القلوب يسلب اصحابها حرياتهم
كوني بخير

حسن ارابيسك said...

اذيك ياسيد
وحشني واللهي

تدوينة جميلة لصورة بتكون موجودة أحيانا بين طرفين ويحمل لكل منها الكثير من المشاعر الجميلة وبينهما ولكن يحدث أن لكل منهما عالمه الذي لايسعه الاقتراب من عالم الأخر ربما لاعتبارات كثيرة تختلف من حالة لأخرى
والحقيقة حالات من النوع ده صعبة جدا على أطرافها

تحياتي
حسن أرابيسك

MKSARAT - SAYED SAAD said...

حسن اربيسك
الصديق العزيز جدا
رأيك دائما مبني على احساس واقعى وهذا ما توقعه منك كالعاده
هى فعلا حالة صعبة جدا على اطرافها
اتمنى ان اكون عبرت عنها قدر المستطاع

كون بخير
سيد سعد

شهرزاد المصرية said...

ألله ألله على روعة التصميم
اللوحة جميلة جدا و الكلمات فى غاية التعبير
و كانى أرى فى اللوحة دماء القلب التى أراقها حزنا على حب ليس مقدرا له أن يكتمل
وتمزقات الروح بين عجزها عن مقاومة الإحساس و رغبتها فى الإفلات من الألم المضنى

دة انت فنان بجد و أنا إللى كنت خايفة أدخل عندك رغم إنى بحب المكسرات بس بصراحة عاملة دايت

أنا حآجى هنا تانى و أمرى لله و ليذهب الدايت إلى الجحيم

MKSARAT - SAYED SAAD said...

شهرذاد المصرية
اهلا وسهلا بيكي على صفحات المكسرات
سعيد ان المدونة عجبتك
اتمنى الدوام
ولو على الدايت متخفيش دي مكسرات دايت
كوني بخير