Monday, August 2, 2010

ريــــــــاح

اسم التصميم
رياح
أي أنسان عاقل عندما يمارس طقوس الكتابة يكون في أعلى درجات النشوة وخاصة عندما تكون الكلمات مروضه تحت سن قلمة لكن بالنسبة له تلك المرة ممارسة طقوس الكتابة عندة اشبة بممارسة الرزيلة لأنه قرر أن يكتب عنها بصدق ترى هل سينجح في أن تحسب علية خطيئة أم سيفشل لدرجة كذب الكلمات
لا شئ الآن يضع حد فاصل بين خلوتة وبين الصفحات البيضاء والقلم رفقائه أن كان علية فهو ينوي تلويث الصفحات بصدق الكلمات ينقصة فقط النظر إليها داخل عقلة ويصبح كل شئ جاهز يُحسب أنه شارد بعض الشئ لكنها أحداثة المهلهلة هي التى تراوده ببراثنها وكلما أقترب عطرها منه أكثر كلما تحفز أكثر وأكثر
وعند أول طعنة بكلماته لعذرية صفحاته البيضاء أيقن أن سن قلمة لن يقدر أبدا على نيل أي شئ من بئر قلبة حظه عسر فقد أتت الرياح بما لا تشتهي السفن ليبقى ما نواه عبارة عن مُعلقة أخرى تضاف إلى شبيهاتها على جدران حياته
---------------
تصميم سيد سعد
--------------

14 comments:

فاتيما said...

حلوة قووووى يا سيد


انا بحب الاحمر جدااا
بحس فيه بحرارة الدنيا
و ضوءها و بهجتها

اما الفضة فبحبها عن لون الدهب
حتى ف الاكسسوارت و اللبس
مبحبش الدهب عموما

و الملخص يعنى
ان التصميم عجبنى جدا

بس معرفش ليه مفكرنيش بالرياح و نعكشتها او لملمتها للأشياء
اكتر ما فكرنى بنهر الفضة كدا

خطاريف خطاريف و انطباعات مؤقتة
لحد ما الكلام يتنشر و نشوف

كلمتين بس ف الآخر

تسلم ايدك كالعادة

و تانى حاجة
مين البيبى
اللى صورته منشورة دى ؟؟
فضولا صحيح
بس فضول هدفه انى افرح بعد ما سيادتك ترضيه

سلااااام يا سيد المكسرات

SAYED SAAD said...

فاتيما
الصديقة العزيزة جدا

عندك حق اللون الاحمر من الالوان النارية وشكلك كده باين عليكي اهلاوية مثلي اما الفضو فانا بحبها زيك جدا

انتى عارفة يا فاتيما بتبقي عسل قوي لما بتوهي وانت بتقولي رايك في التصميم وبتخافي لا تقولي حاجة ملهاش دعوة بية
بس انا هقولك على حاجة عارفة لو حتى عبرتي عنه بطريقة غير اللي اقصدها فانا مش بزعل عارفه ليه لأن كفاية انك عبرتي عن اللي بتحسية وده اللي انا دايما بقصدة في اي تصميم بعمله
اقولك على حاجة في تصميمات قبل كده محدش عرفها او بمعني اصح محدش قدر يوصل للي بقوله وفي معلقوش علية خالص

موضوع الرياح ده هيبان لما تقري النص
حتى لو اللي قولتيه خطاريف من وجهة نظرك لكن بالنسبة ليا ينول كل الاحترام والتقدير
الله يسلمك واكرر اعجابي تاني باختيارك للصورة في بوستك اللي فات
ويسعدي لو تسمحيلي اصمم ليكي صورة اي بوست تكوني هتكتبية قريب

البيبي بقي دي يا ستى
زينة عمري كله
زينة السيد
بنتى الجميله ربنا يخليهالي

متقوليش فضول انتى من الناس اللي ليهم تقدير واحترام كبير عندي
يارب الكلمات تعجبك

أبقى سعيدة وفي طيب امر

صاحب المكسرات
سيد سعد

فاتيما said...

الله

الكلام اجمل ميت مرة
م الصورة يا سيد

تعرف؟

اظن انك قولتنا كلنا

اوقات فعلا بنتكتب كلام بنحسه من صميم الروح
جزء منا بيخرج و يتوثق

و اوقات بنتكب حاجات
تدبح و تكسف
و تخلينا نكره الحزء دا مننا
و نخجل من نفسنا

بس ف النهاية
احنا الأتنين دول

شيطانا و ملاكنا
بيتنازعوا على القريحة
فتطلع كلام
ام اقصى اليمين
و اما اقصى اليسار

اما المنطقة الوسط
فأظنها لا تعد ابداعا خالص
و لا ريح تجيبها و لا توديها
بتبقى زى الحجر كدا
واقف مكانه بلا روح

الكلمات رائعة
و دلوقتى اقدر
اميز اللون الاحمر
م اللون الفضى
مين فين و ليه و ازاى




و انا فرحاااااانة جدا
عشان مش بس إتاكدت
انها بنوتك
لأ كمان عرفت اسمها
عشان ابقى ابعتلها السلام هيا
و مامتها كل مرة


ربنا يحفظها من كل شر
و عقبال ما تحطلنا
ع الشريط الجانبى
صورة اول حفيد
يا فندم


كل سنة و انتوا طيبين
والفانوس بتاعها بقى


من فضلك
بوسلى جبينها
و قولها
طنط فاتيما
بتسلم عليكى يا قمراية
و ربنا يخليكى
يا زينة الدنيا كلها
۩


خالص ودى يا غالى
و يا صاحب المكسرات

hana said...

هو مش كل حاجة بنتمناها او بنحلم بيها

بتتحقق
دايماً تأتي الرياح بما لا تشتهي السفن

التصميم اول ما شوفته مش حسيت رياح بس حسيت جواه حاجة ذي ما تكون تايهة رايحة
مش عارفة ليه احساسي

بوست هايل وتصميم جميل يا فنان

hana said...

نسيت اقول كل سنة وإنت طيب

رمضان كريــــم

يا مراكبي said...

لا تأتي الريح بما تشتهي السفن
للأسف ده بيحصل في أغلب الأوقات

الرياح واضحة جدا من التصميم
لكن الجديد هو اللون الأحمر
أضاف بعد مختلف واحساس مختلف
حاجة مختلفة عن اللون الأزرق أو الأصفر اللي بيعبروا غالبا عن الرياح

وكل واحد هيحسه بطريقته

حسن ارابيسك said...

سيد
كل سنة وانت طيب ورمضان كريم
التدوينة بالطبع جميلة وبسيطة ولكل منا جدار يعلق عليه ما لم يفلح فيه او ماينتظره ان يتحقق
اللوحة كنت أنتظر أن يكون بها بعض من الدوائر لتعطيني إيحاء الرياح والعواصف
أنا أقترح عليك اقتراح أن تتخلى عن تسمية اللوحة حتى لاتخنقها وتقيدها تحت اسم وعنوان ربما يكون بعيد عنها تماماً واترك لنا في كل مرة أن نقرأها نحن تلك اللوحة وكل من يخبرك ماذا احس في تلك اللوحة وماذا قرأ فيها وصدقني سيكون الموضوع أمتع وأعمق وسترى بنفسك تعدد القراءات المختلفة كل حسب تركيبته ومزاجيته
تحياتي

SAYED SAAD said...

فاتيما
سعيد ان الكلمات عجبتك اتمنى اكون دائما عند حسن الظن
فعلا رايك في محلة واحلى حاجة فية انه واضح
هى دية الحقيقة يا فاتيما اللي احنا بنعيشها المهم مين يبقى عنده القدرة انه يكتب بمنتهي الصراحة
الله يسلمك ويفرح قلبك يا رب دايما ياااااه اول حفيد يا تري الواحد هيشوف ده كله بايد الله اتمنى ليها وللكل الخير
وانتى طيبة وبالف خير حاضر هوصلها امانتك ربنا يخليكي انتى كمان ويبارك في عمرك ويخليليك يوسف

رمضان كريم عليكي وعلى اسرتك
كوني بخير

SAYED SAAD said...

هنووووونة كل سنة وانتي طيبة ورمضان كريم عليكي وعلى الاسرة يارب
فعلا يا هنا تأتي الأمور في كثير من الاحيان بغير المتوقع والمعتاد احيكي على احساسك بالتصميم لأنه في محلة جدا
تسلمى وشاكر ليكي على متابعتك الرقيقة
كل سنة وانتى طيبة
الله اكرم
كوني بخير

SAYED SAAD said...

يا مراكبي
ازيك يا باش مهندس ورمضان كريم عليك وعلى الاسرة
عندك حق بيحصل دايما في اغلب الاوقات لكن المهم من سيكون عندة القدرة على ان يكتب بصراحة على اوراقة دون الحاجة الي المبررات والاعزار
بالنسبة للون الاحمر اشكرك على مشاركتى في فكرة انه اضاف بعد اخر عن التقليدي وفعلا هذا افعلة غالبا في تصميماتي
وعلى رايك كل واحد هيحسة بطريقتة
تحياتي

SAYED SAAD said...

حسن ارابيسك
وانت طيب والله اكرم
اشكرك على اطرائك الخاص بالتدوينة فعلا لكل منا منطقة يعلق عليها ما يفيد بذكري ما فشلنا في تحقيقة
أشكرك على اطرائك ومقترحك
تحياتي

همسات دافئه said...

برافو
وكلما أقترب عطرها منه أكثر كلما تحفز أكثر وأكثر وعند أول طعنة بكلماته لعذرية صفحاته البيضاء أيقن أن سن قلمة لن يقدر أبدا على نيل أي شئ من بئر قلبة حظه عسر

ده بالظبط اللى بيحصل
جميل ياسيد:)

وربنا يخليلك زينة يارب:)

شيماء:)

رهف said...

بص هقولك حاجه انا مش فاهمه بس انا حاسه بتعبيرات غريبه في الصوره هو انا شايفه انسان من داخله ملخبط زي كل الملخبطين معليش انا مهيسه بجد بس الكلمات لمسه حاجه جويا كلام عايز يطع ومش عارف ومش قادر ودموع مسجونه واهات مكتومه انت عارف انا اصلي نسيت الكتابه لسه بدور علي رهف مش لاقيها تفتكر ضاعت مني ليه وايه السبب انا اللي ضيعتها ولا الزمن؟؟؟؟؟؟؟؟؟

SAYED SAAD said...

رهف الصديقة العزيزة لمدونة المكسرات
أولا أهلا بيكي بعد غيبة طويلة جدا جدا أتمنى أن لا تطول فترة الانقطاع عن صفحات المكسرات مرة اخري وايضا لا تحرمينا من تدويناتك الجميله فأنا شخصيا في انتظارها فلازلت اذكر (طلاسم غجرية و الرقصة الاخيرة)
اما عن التصميم فربما يكون مبهم للبعض ولهذا فأن الكل يعبر عن ما يشعر به وما يراه، انت عبرتى وفستري وكنتى قاب قوسين او ادني من المضمون (التصميم بمنتهي البساطة يوصف شعور الرغبة في الكتابة والتعبير بصراحة ان اي امر من امور حياتنا وعلاقة هذا بالقدرة كتابة اي موضوع في حياتنا بصراحة دون الخضوع لأي ظروف) اسألي نفسك هل يمكنك ان تكتبي وتنشري واو تعرضي احد ادق تفاصيل حياتك بمنتهي الصراحة والوضوح دون أن تخضعي لأي ضغط أو أي ظرف يعوق عملية الكتابة والتعبير بصدق ، لو حضر إلى ذهنك المذكرات الخاصة فحتى المذكرات بعضها لا يكون كالحقيقة ومثل ما قلتي (حاجه جويا كلام عايز يطلع ومش عارف ومش قادر ودموع مسجونه واهات مكتومه) ممكن يكون ده احد الاسباب اللي بنخضع ليها في عدم الكتابة بصراحة عن أدق التفاصيل
اما عن رهف فأكيد لم تضيع وأكيد موجوده اعتبري الفترة الماضية كالبيات الشتوي وأتركي سن قلمك يعبر من جديد عن اي شي صدقينى رهف لم تضتيع فقط تنتظر البداية ابحثي عنها بجدية وان لم تجديها سيكون لكي احد الحلول عندي

كوني بخير رهف